Čállingilvu:  Ráhkisvuohta Sámis – Gieresvuohta Sámen – Gieriesvoete Saepmesne.

Ávvir ja Tjallegoahte lágidit​ noveallačállingilvvu man fáddá lea «Ráhkisvuohta Sámis».

Čále novealla sámegillii, davvi-, julev- dehe máttasámegillii.

Don sáhtát searvat gilvui jus leat badjel 16 jagi boaris.

Noveallas galget unnimusat 2000 čuoggá ja eanemusat 6000 čuoggá.

Novealla ii galgga almmuhuvvon ovdal.

Čállosiid almmuheapmi: Čállosiid oamasteaddji lea čálli. Gilvvu lágideaddjt sáhttet almmuhit čállosiid Ávvira ja Tjallgoahte neahttasiidduin ja báberaviissas ja Ávvira podcasta bakte.   Mii divvut čállinmeattáhusaid čállosiin ovdal go almmuhit daid.

Vuoittut:  Noveallagilvvu vuoiti oažžu 10 000 ruvnno. Nubbi fas 5000 ruvnno ja goalmmát sajis 3000 ruvnno. Beassá maiddái almmuhit iežas novealla.

Girjjálašvuođalávdegoddi vállje vuitiid. Das leat  Ávvira ja Tjallegoahte ovddasteaddjit ja unnimusat okto olggobealde árvvoštalli.  Lávdegoddái eai almmuhuvvo čálliid namat.

Ávvira ja Tjallegoahte bargit eai sáhte searvat gilvui.

Áigemearri: Ođđajagemánu 31. beaivi 2023. 

Sáddes iežat novealla  31.01.23 dán čujuhussii: gilvu@tjallegoahte.se

Novealla galgá čállon Times New Roman, 12 sturrodat, 1,5 gaska. Word- dehe PDF-hámis.

Go don searvvat gilvui, de don leat dohkkehan gilvvu njuolggadusaid.

Gilvvu lágideaddjit: Tjallegoahte ja Ávvir.