Sigbjørn Skåden (r. 1976) lea eret Skániin, muhto orru Romssas. Sus lea sihke sámegiella ja dárogiella čállingiellan ja debuterii 2004s diktagirjjiin Skuovvadeddjiid gonagas. Dan maŋŋil lea čállán vel akta diktagirjji, golbma romána, akta mánáidgirjji ja dasa lassin čállán hui máŋggaid iešguđetlágan teavsttaid lávdái ja eará performatiiva prošeavttaide. Girjjiid ovddas lea earret eará leahkán nammaduvvon Davviriikkalaš Ráđi girjjálašvuođabálkašupmái, NRK-guldaleddjiid románabálkašupmái ja lea vuoitán Havmann-bálkašumi. Son lea antologiijaid bakto jorgaluvvon logenar gillii ja su girjjit leat jorgaluvvon ruohagillii ja fránskagillii. Skådenis lea girjjálašvuođadiehtti oahppu ja logaldallá sámi girjjálašvuođas ja eará girjjálašvuođa fáttáin earret eará čállinskovlláide. Su maŋimus girji dassái lea romána Fugl (2019).

Sigbjørn Skåden (f. 1976) kommer fra Skånland, men bor i Tromsø. Han har både samisk og norsk som skrivespråk og debuterte i 2004 med diktboka Skuovvadeddjiid gonagas (Skomakernes konge). Etter debuten har har gitt ut ytterligere ei diktsamling, tre romaner og ei barnebok, i tillegg til å ha skrevet en menge tekster for scene og andre performative prosjekter. For bøkene har han blant annet vært nomintert til Nordisk Råds litteraturpris, NRK-lytternes romanpris og har mottatt Havmannprisen. Han er oversatt til et titalls språk via antologier og bøkene hans er oversatt til svensk og fransk. Skåden er utdannet litteraturviter og han foreleser om samisk litteratur og andre litterærer tema blant annet for forfatterskoler. Han seineste bok er romanen Fugl (2019).